Interno di Virgilio Giotti

Janis Rosenthal*1905

Do pomi xe s'un piato,
bei, verdi e rossi. Fora
ghe xe la note scura,
ghe xe el fredo e la bora.

E là ch'i xe, un fià in ombra,
sul zeleste del muro,
i fa come un'alegra
musicheta col scuro,

col fredo, co' l'inverno
vignudi a cucar drento:
pice note, mie note,
che mi scolto contento.

Febraio in bar di Virgilio Giotti

Guy Penè Du Bois*Portia in pink*1942

Sconta drio de la màchina,
con quel vivo sul peto
dei do pomponi rossi,
Marì strenzi un biglieto
i' man. Làgrime iòzzola
sul banco e un pie par tera
pesta pesta. Febràio.
Aria de primavera
vien de la porta. Tèpida
me la sento sul viso.
***********
Sconta=nascosta
drio=dietro
de la màchina (penso intenda la macchina del caffè)
Strenzi=stringi
Iòzzola=gocciola
(Chiedo scusa, ma questo non è il mio dialetto,  è triestino...)